අප ගැන

ත්‍රිකුණාමලය දිස්ත්‍රික්කයේ පුල්මුඩේ ප්‍රදේශයේ ස්ථාපිත අරිසිමල ආරණ්‍ය සේනාසනය යුධ සමය හමාර වීමත් සමග සසුන් කෙත සරු කිරීම පෙර දැරි කර පුංචි මැටි කුටියකින් ආරම්භ කිරීමට යෙදුනී. බොහෝ දුක් ගැට‍ළු තර්ජන ගර්ජන හා ජීවිත අනතුරු හා අවදානම මධ්‍යයේ ශාසනික කටයුතු ඉෂ්ඨසිද්ද කරගන්නට වීය.
බොහෝ අවස්ථාවල භික්ෂූන් දානය නොමැතිව ගිලන්පස ටිකකින් සැහීමට පත් වෙමින් අලි, කොටි, වලසුන් වැනි සත්තු සිව්පාවන්ගෙන් සමන්විත මහ වන ළැහැබෙ අන්තවාදි කල්ලි කණ්ඩායම් මැද පියවරෙන් පියවර ඉදිරියට පියමන් කරන්නට පුළුවන් ශක්තියකින් සමන්විත වූ හෙයින් අද වන විට ආරණ්‍ය සේනාසන 24 ක සුපේෂල ශික්‍ෂාකාමී ගුණ ගරුක භික්ෂු පරපුරක් මෙම පළාත තුල ගොඩනගන්නට විය. මෙහි දී ශාසනික, ජාතික මෙහෙවර උදෙසා මූලිකත්වය ගෙන කටයුතු කිරීම අපගේ ඒකායන පරමාර්ථය බව මෙසේ මෙසේ සිහිපත් කර දෙන්නෙමු.